ಭಾರತ...... (ಸಾರಿ... ಇಂಡಿಯಾ!)

“ಮೂವತ್ತು ವರ್ಷಗಳ ಹಿಂದೆ ಹೋದವನು
ಈಗಷ್ಟೇ ಬಂದಿದ್ದೇನೆ, ವಿದೇಶದಿಂದ.

ಅದೇನು ದೇಶವೋ..

ಏನು ದೊಂಬಿ, ಏನು ಗಲಾಟೆ,
ಏನು ಅತ್ಯಾಚಾರ,
ಏನು ಸ್ವೇಚ್ಚಾಚಾರ....ಛೇ.

ಸಂಭಂಧವಿಲ್ಲ,
ಕುಟು೦ಬವಿಲ್ಲ,
ಸಮಾಜವಿಲ್ಲ,
ಸಂಸ್ಕ್ರುತಿಯಿಲ್ಲ....
ರೀತಿ-ನೀತಿಯಂತೂ ಮೊದಲೇ ಇಲ್ಲ...

ಅದಕ್ಕೇ.....ಅದಕ್ಕೇ ಬಂದಿರುವೆ, ಎಲ್ಲ ತೊರೆದು...ಭಾರತಾಂಬೆಗೆ ಶರಣಾಗಲು....”
ಹರಿದಾಡುತ್ತಿದ್ದೆ ನನ್ನ ಪದ ಪುಂಜಗಳಲ್ಲಿ....

ನನ್ನ ಮನಸ್ಸನ್ನು ಅರಿತ, ಅಲ್ಲೇ ಡಿಸ್ಕೋ ಆಡುತ್ತಿದ್ದ ಕಾನ್ವೆಂಟ್ ಪೋರನೊಬ್ಬ,
"ನೀವು ಬಂದಿರುವುದು, ಇಂಡಿಯಾಗೆ...ಭಾರತಕ್ಕಲ್ಲ" ಎಂದುಬಿಟ್ಟ!

ಅವನೇಕೆ ಹೇಳಿದನೆಂದು ನನಗಿನ್ನೂ ಅರ್ಥವಾಗಿಲ್ಲ....
ನೀವಾದರೂ ತಿಳಿಸುವಿರಾ?