*ಸಂಕ್ರಮಣ*

ಬದಲಾಯಿತು ಸೂರ್ಯಪಥವು ಉತ್ತರಾಯಣ

ಸಂಭ್ರಮಿಸುವರು ನಾಡಿನೆಲ್ಲೆಡೆ ಮಕರಸಂಕ್ರಮಣ

ಹುಗ್ಗಿಯ ಹಿಗ್ಗು ಬಂದಿಹುದು ಕನ್ನಡದ ಮಡಿಲಲಿ

ತಾಯಿ ಪೊಂಗಲ್ಲೆಂಬ ಹಬ್ಬವು ತಮಿಳುನಾಡಲಿ

ಭೋಗಿಯೆನ್ನುವರು ಆಂಧ್ರ ತೆಲಂಗಾಣದಲಿ

ಸಂಭ್ರಮಿಪರು ಉತ್ತರಾಯಣವೆಂದು ಗುಜರಾತಲಿ

ಬಿಹು-ಬಿಹುವೆಂದು ನಲಿವರು ಅಸ್ಸಾಮಿನಲಿ

ಲೋಹ್ರಿ ಎನ್ನುತ ಕುಣಿದಾಡುವರು ಪಂಜಾಬಲಿ

ಮೈಚೆಲ್ಲಿ ಮನೆಯೆದುರು ಮಲಗಿಹುದು ರಂಗವಲ್ಲಿ

ಹಸಿರು ತೋರಣ ಹೂವು ಕಳೆಗಟ್ಟಿಹುದು ಬಾಗಿಲಲ್ಲಿ

ಆಳೆತ್ತರಕೆ ನಿಂತಿಹುದು ರಸದುಂಬಿ ಕಬ್ಬು  ಗದ್ದೆಯಲಿ

ಹೊಸವಕ್ಕಿ ಪರಿಮಳದ ಘಮಘಮವು ಅಡುಗೆಯಲಿ

ಗೋ-ಸಿಂಗಾರ ಲಗುಬಗೆಯ ಮೆರವಣಿಗೆ ಹಳ್ಳಿಹಳ್ಳಿಯಲಿ

ಹಂಚೋಣ ನಾವು-ನೀವು ಎಳ್ಳು ಬೆಲ್ಲ

ತುಂಬಿರಲಿ ಸುಖ-ಶಾಂತಿ ನಮ್ಮ ಬಾಳೆಲ್ಲ

–----------++----------